Mən, Tamerlan bəy Dəmirbəyli 1991-ci il 18 sentyabr tarixində Goranboy şəhərində ziyalı ailəsində anadan olmuşam . 1997-ci ildə Goranboy şəhər 1 saylı orta məktəbin I sinfinə daxil olmuşam. 2005-ci ildən Goranboy şəhər 2 saylı orta məktəbində oxuyuram. Hal-hazırda həmin məktəbin XI sinif şagirdiyəm. Goranboy şəhərində təşkil olunmuş bir sıra elmi yarışların qalibi olmuşam. 2003-cü ildə "Şən startlar" idman oyununun qalib komandasının kapitanı olmuşam. 2007-ci ildə hazırladığım "Mən sülhü sevirəm" bədii-musiqili kompozisiyası respublikadaxili tədbirdə III yerə layiq görülmüşdür. "Uşaq və ailələrə dəstək mərkəzinin açılış mərasimi", "15 sentyabr-Bilik günü", "18 sentyabr-Musiqi günü", "Mənəviyyatımız saflığımızdır bərii-musiqili tədbiri", "26 fevral-Xocalı faciəsi", "10 may-Ümummilli liderimiz Heydər Əliyevin doğum günü", "31 dekabr 2007-ci il-Dünya azərbaycanlılarının həmrəylik günü, Yeni il və Gənclər ilinin yekunu" və s. adlı bir sıra tədbirlərdə məruzə ilə çıxış etmişəm. 22 yanvar 2008-ci ildə Goranboy şəhəri 2 saylı orta məktəbin seçmə qrupu ilə rayondaxili bilik yarışmasının qalibi olmuşam. 31 yanvar 2008-ci ildə Gİİ tərəfindən "Gənclər ilinin ən yaxşı şagirdi" adlı fəxri fərmanla təltif olunmuşam.